કોમર્શિયલ LPG ગેસ સિલિન્ડરના ભાવમાં ઘટાડો
ઓઈલ માર્કેટિંગ કંપનીઓએ ફરી એકવાર કોમર્શિયલ LPG ગેસ સિલિન્ડરના ભાવમાં મોટો ઘટાડો કર્યો છે. આ વખતે 19 કિલોગ્રામ કોમર્શિયલ સિલિન્ડરના ભાવમાં રૂપિયા 24નો ઘટાડો કરવામાં આવ્યો છે. આ નવા ભાવ 1 જૂન, 2025થી દેશભરમાં લાગુ થશે. આ નિર્ણયના કારણે વેપારીઓને મોટી રાહત થશે. આ સમાચાર સાંભળીને વેપારી વર્ગમાં ખુશીની લહેર જોવા મળી રહી છે.
ડોમેસ્ટિક LPG સિલિન્ડરના ભાવમાં કોઈ ફેરફાર નહીં
દિલ્હીમાં હવે 19 કિલોગ્રામ કોમર્શિયલ LPG સિલિન્ડર રૂપિયા 1723.50માં મળી રહેશે, જ્યારે પહેલા તેની કિંમત રૂપિયા 1747.50 હતી. આ ઘટાડાથી હોટલ, રેસ્ટોરન્ટ, ઢાબા અને અન્ય કોમર્શિયલ સંસ્થાઓના માલિકોને મોટી રાહત મળી શકે છે, જે મોટા પ્રમાણમાં કોમર્શિયલ ગેસ સિલિન્ડરનો ઉપયોગ કરે છે. જોકે, આ વખતે ડોમેસ્ટિક LPG સિલિન્ડરના ભાવમાં કોઈ ફેરફાર કરવામાં આવ્યો નથી. 14.2 કિલોગ્રામ ડોમેસ્ટિક LPG સિલિન્ડર તેના જૂના ભાવે જ ગ્રાહકોને મળશે.
માસિક સુધારો સતત કરવામાં આવી રહ્યો છે
તમને જણાવી દઈએ કે ઓઈલ કંપનીઓ દર મહિનાની 1લી તારીખે LPG સિલિન્ડરના ભાવની સમીક્ષા કરે છે અને આંતરરાષ્ટ્રીય ક્રૂડ ઓઈલના ભાવ, રૂપિયાની સ્થિતિ અને અન્ય બજાર પરિસ્થિતિઓના આધારે તેમના દરમાં ફેરફાર કરે છે. મે 2024માં કોમર્શિયલ ગેસ સિલિન્ડરના ભાવમાં પણ ઘટાડો કરવામાં આવ્યો હતો. સતત બે મહિનામાં આ ઘટાડો બજાર માટે ખાસ કરીને રેસ્ટોરન્ટ અને ખાદ્ય ઉદ્યોગ જેવા ક્ષેત્રો માટે રાહત માનવામાં આવે છે. જ્યારે ઓઈલ માર્કેટિંગ કંપનીઓએ 14 કિલોના ઘરેલુ ગેસ સિલિન્ડરના ભાવમાં કોઈ ફેરફાર કર્યા નથી. ત્યારે 19 કિલોગ્રામના કોમર્શિયલ એલપીજી સિલિન્ડરના ભાવમાં પ્રતિ સિલિન્ડર 17 રૂપિયાનો ઘટાડો કરવામાં આવ્યો હતો.
