ફિટ અને તંદુરસ્ત રહેવા માટે પોષક તત્વોથી ભરપૂર આહાર લેવો જરૂરી છે. સ્વાદ માટે નહી પણ સ્વાસ્થ્ય માટે સારા ખોરાક ખાવા જોઇએ. જેથી શરીરને બધા જ વિટામિન્સ મળી રહે. ડ્રાય ફ્રૂટ સ્વાસ્થ્ય માટે ખૂબ જ ફાયદાકારક છે. કાજુ, બદામ, દ્રાક્ષ જેવા ડ્રાય ફ્રૂટ્સ તો તમે ખાય જ છે, પણ શું તમે ખારેક, એટલેકે સૂકી ખજૂરના ફાયદા વિશે જાણો છો? ડ્રાયફ્રૂટ્સમાં ખારેક વિટામિન્સ અને મિનરલ્સથી ભરપૂર હોય છે. તો ચાલો જાણીએ સૂકી ખારેક કઈ રીતે ખાવાથી શરીરને શક્તિ મળે.
ખારેકનુ દૂધ
ખારેકવાળું દૂધ બનાવવા માટે 4 ખારેકને ઝીણી સમારી લો. એક ગ્લાસ દૂધને ગરમ કરવા મૂકો અને તેમાં આ ખારેકના ટુકડા નાંખો. હવે તેને સારી રીતે ઉકાળો અને દૂધ ખારેક સાથે ચાવીને પી જાઓ. આ ઉપયોગ પણ કરવાથી શરીરને શક્તિ મળે છે અને આયરનની ઉણપ પણ થાય છે.
ખારેકની ખીર
જો તમને દૂધમાં પલાળેલી ખારેક પસંદ નથી તો તમે ખીર પણ બનાવી શકો છો. ખીર બનાવવા માટે તમારે 5-6 ખારેક લેવાની, તેના ઠળિયા કાઢી નાખવાના અને તેના ટુકડા કરી લેવાના. હવે 2 કપ દૂધ લો અને તેમાં મખનનો પાવડર નાંખીને દૂધ ઉકાળો. ત્યારબાદ તેમાં ખારેકના ટુકડા નાંખો. તમે ઇચ્છો તો તેમાં ખાંડ કે મધ પણ નાંખી શકો છો. રોજે સવારે આ પ્રમાણે ખારેક ખાવાથી શરીરમાં શક્તિ મળે છે.
ખારેકની ચટણી
ખારેકની ચટણી ખાવામાં ટેસ્ટી લાગે છે અને તેને બનાવવી પણ સરળ છે. 5-6 ખારેકને ગરમ પાણીમાં પલાળી રાખો. ત્યારબાદ તેનો ઠળિયો કાઢીને ફેંકી દો. તેમાં સિંધવ મીઠું, લાલ મરચું અને કોથમીર નાંખીને ગ્રાઇન્ડ કરી લો. આમ, તૈયાર છે હેલ્ધી અને સુપર ટેસ્ટી ખારેકની ચટણી. જેને તમે કોઇપણ વસ્તુ સાથે ખાઇ શકો છો.
