ભરૂચમાં ગેરકાયદાથી કચરો ફેંકવાથી આખા વિસ્તારમાં દુર્ગંધ અને મચ્છરોનો ઉપદ્રવ
ભરૂચ: ભરૂચ શહેરના જે.બી. મોદી પાર્ક નજીક આવેલા નગરપાલિકાના મોટર શેડમાં ગેરકાયદેસર રીતે કચરો ફેંકવામાં આવી રહ્યો છે. આ સ્થળ ડમ્પિંગ સાઈટમાં ફેરવાઈ ગયું છે, જેના કારણે આસપાસના વિસ્તારમાં દુર્ગંધ અને મચ્છરોનો ઉપદ્રવ વધી ગયો છે.
મહાવીર નગર, અંબિકા નગર અને અજંતા નગર સોસાયટીના રહીશોએ આજે આ સમસ્યાને કારણે ઉગ્ર વિરોધ નોંધાવ્યો. સ્થાનિકોએ રામધૂન બોલાવીને સાત્વિક રીતે પોતાનો રોષ વ્યક્ત કર્યો. રહેવાસીઓના જણાવ્યા મુજબ, આ મુદ્દે નગરપાલિકાને અનેક વખત લેખિત અને મૌખિક રજૂઆતો કરવામાં આવી છે.
કોર્ટે મોટર ગેરેજ વિસ્તારમાં કચરો નાખવા પર પ્રતિબંધ મૂક્યો છે. આમ છતાં પાલિકા આ આદેશનું ઉલ્લંઘન કરી રહી છે. સ્થાનિકોએ તાકીદે ડમ્પિંગ સાઈટ હટાવવાની માંગ કરી છે. તેમણે ચેતવણી આપી છે કે જો તંત્ર યોગ્ય પગલાં નહીં લે તો આંદોલન વધુ ઉગ્ર બનાવવામાં આવશે.
[Images: 1. ભરૂચમાં ગેરકાયદાથી કચરો ફેંકવાના સ્થળની તસ્વીર; 2. સ્થાનિક રહેવાસીઓ વિરોધમાં રામધૂન બોલાવતા; 3. ડમ્પિંગ સાઈટની વધુ તસ્વીર; 4. વિરોધમાં રહેવાસીઓની તસ્વીર]
