સચિનની પુત્રી સારા તેંડુલકરનું સિદ્ધાંત ચતુર્વેદી સાથે બ્રેકઅપ!
સચિન તેંડુલકરની પુત્રી સારા તેંડુલકર તેની પર્સનલ લાઈફને કારણે ફેન્સમાં ખૂબ જ પોપ્યુલર છે. ફેન્સ હંમેશા તેમના સંબંધો વિશે જાણવા માટે ઉત્સુક રહે છે. તાજેતરમાં જ તેનું નામ બોલીવુડના એક એક્ટર સાથે જોડાયું હતું.
પરંતુ હવે એક ચોંકાવનારા સમાચાર સામે આવ્યા છે, જેને બધા ફેન્સને આશ્ચર્યચકિત કરી દીધા છે. થોડા દિવસો પહેલા જ, બોલીવુડ એક્ટર સિદ્ધાંત ચતુર્વેદી અને સારા તેંડુલકરના ડેટિંગના સમાચાર ચર્ચાનો વિષય બન્યા હતા. પરંતુ હવે બંનેએ પોતાના સંબંધોનો અંત લાવી દીધો છે.
સારા તેંડુલકરનું બ્રેકઅપ!
મીડિયા રિપોર્ટ મુજબ સિદ્ધાંત ચતુર્વેદી અને સારા તેંડુલકર અલગ થઈ ગયા હોવાની ચર્ચાઓ છે. મીડિયા રિપોર્ટ મુજબ ઘણી વખત સાથે જોવા મળ્યા બાદ બંનેએ એકબીજાને તેમના પરિવારજનો સાથે પણ પરિચય કરાવ્યો હોવાનું જાણવા મળ્યું છે. જેના કારણે આ સંબંધ ગંભીર લાગતો હતો. પરંતુ હવે આ કપલ અલગ થઈ ગયું છે, અને એવું કહેવામાં આવી રહ્યું છે કે સિદ્ધાંતે પોતે આ સંબંધનો અંત લાવવાનો નિર્ણય લીધો છે. પરંતુ સિદ્ધાંત અને સારાએ ક્યારેય સત્તાવાર રીતે તેમના સંબંધોની પુષ્ટિ કરી નથી.
સિદ્ધાંત અને સારા સંબંધ પ્રત્યે હતા ગંભીર
સૂત્રો દ્વારા મળતી માહિતી મુજબ ‘તેઓ તાજેતરમાં જ અલગ થયા છે. સિદ્ધાંતે જ તેનો અંત લાવવાનો નિર્ણય લીધો. બંને એકબીજાના પરિવારોને મળ્યા પછી આ બધું થયું. પરંતુ તેમના અલગ થવા પાછળનું કારણ જાહેર થયું નથી. આ પહેલા સિદ્ધાંતનું નામ અમિતાભ બચ્ચનની પૌત્રી નવ્યા નવેલી નંદા સાથે પણ જોડાયું હતું, પરંતુ તે સંબંધ પણ લાંબો સમય ટકી શક્યો નહીં, જ્યારે સારા વિશે વાત કરીએ તો, તે શુભમન ગિલને ડેટ કરતી હોવાની ચર્ચાઓ હતી. પરંતુ બંને ક્યારેય સાથે જોવા મળ્યા નહીં.
સારાએ લંડનથી બાયોમેડિકલ સાયન્સ અને ક્લિનિકલ ન્યુટ્રિશનમાં માસ્ટર્સ ડિગ્રી મેળવી છે અને તે સચિન તેંડુલકર ફાઉન્ડેશન સાથે સંકળાયેલી છે. તાજેતરમાં સારા તેંડુલકરે બોલીવુડમાં ડેબ્યૂ કરવાની ચર્ચાઓને ફગાવી દીધી હતી. એક ઈન્ટરવ્યુમાં, તેણે કહ્યું હતું કે તેના અંતર્મુખી સ્વભાવને કારણે તેને એક્ટિંગથી દૂર રહેવાનું પસંદ કરે છે.
