અજય દેવગણ ફરીથી હિરોઈનની જોડીમાં
મોટા ભાગના દ્રશ્યો ગોવા અને મુંબઈમાં ફિલ્માવાશે, વિદેશમાં પણ કેટલાક દ્રશ્યો લેવાશે
મુંબઇ : ટોટલ ધમાલ ફ્રેન્ચાઇઝીની ‘ધમાલ ૪’માં રવિ કિશન ડોનની ભૂમિકામાં જોવા મળશે. આ ફિલ્મમાં અજય દેવગણ અને અરશદ વર્સી સહિતનું અભિનેતા ટુકડી છે. પરંતુ, હજુ સુધી અજય દેવગણનો ફિલ્મ માટે તેમની સાથે કોઈ હિરોઈન નક્કી નથી કરવામાં આવી. પરંતુ, કહેવાય છે કે આ માટે તબ્બુ સાથે વાત ચાલે છે.
ફિલ્મની મોટા ભાગનું શૂટિંગ ભારતમાં જ થશે. શૂટિંગના સ્થળ તરીકે નિર્માતાએ ગોવા, મુંબઈ, માલશેજ ઘાટ પસંદ કર્યું છે. જોકે, કેટલાંક દ્રશ્યો વિદેશમાં પણ ફિલ્માવાશે. આ ફિલ્મનું શૂટિંગ આ વરસના અંતમાં પૂરું કરવામાં આવશે. ઉલ્લેખનીય છે કે પહેલી ‘ધમાલ’ ફિલ્મ ૨૦૦૭માં બની હતી જેનું બજેટ ૧૦ કરોડ રૂપિયા હતું અને કલેક્શન ૩૩.૦૬ કરોડ રૂપિયા હતું. ‘ડબલ ધમાલ’ ૨૦૧૧માં આવી હતી જેનું બજેટ ૩૦ કરોડ રૂપિયા હતું અને કલેક્શન ૪૫ કરોડ રૂપિયા હતું. ‘ટોટલ ધમાલ’ ૨૦૧૯માં રિલીઝ થઈ હતી જે ૯૦-૧૦૦ કરોડ રૂપિયામાં બની હતી અને કલેક્શન ૧૫૫.૬૭ કરોડ રૂપિયાનું હતું.
