Contents
કોલકાતા: એર ઈન્ડિયાની ફ્લાઇટમાં ટેકનિકલ ખામી સર્જાઈ, મુસાફરો નીચે ઉતરાયા
કોલકાતા: મંગળવારે સવારે સાન ફ્રાન્સિસ્કોથી મુંબઈ જતી એર ઈન્ડિયાની ફ્લાઈટમાં ટેકનિકલ ખામી સર્જાઈ હતી, જેના કારણે મુસાફરોને કોલકાતા એરપોર્ટ પર નીચે ઉતારવા પડ્યા હતા.
ફ્લાઇટ નંબર AI180 કોલકાતા થઈને મુંબઈ જઈ રહી હતી. બોઇંગ 777-200LR (વર્લ્ડલાઇનર) વિમાન 17 જૂનના રોજ રાત્રે 12:45 વાગ્યે કોલકાતા પહોંચ્યું. તે રાત્રે 2:00 વાગ્યે મુંબઈ જવા રવાના થવાનું હતું.
પરંતુ ડાબા એન્જિનમાં ટેકનિકલ ખામી સર્જાતા ટેકઓફમાં વિલંબ થયો. આ પછી, સવારે લગભગ 5:20 વાગ્યે, કેપ્ટને મુસાફરોને વિમાનમાંથી નીચે ઉતરવા કહ્યું. તેમણે કહ્યું કે ફ્લાઇટ સલામતીને ધ્યાનમાં રાખીને આ નિર્ણય લેવામાં આવ્યો છે.
બે દિવસમાં ત્રણ બોઇંગ વિમાન પાછા ફર્યા
- 16 જૂન: સોમવારે હોંગકોંગથી દિલ્હી આવી રહેલી એર ઇન્ડિયાની ફ્લાઇટ (નંબર AI315) પરત ફરી. તેમાં ટેકનિકલ ખામી સર્જાઈ હતી. આ ફ્લાઇટ બોઇંગ 787-8 ડ્રીમલાઇનરની હતી.
- 15 જૂન: રવિવારે ભારત આવી રહેલા બે બોઇંગ ડ્રીમલાઇનર ફ્લાઇટ અધવચ્ચે જ પાછી ફરી. આમાંથી એક ફ્લાઇટ લંડનથી ચેન્નાઈ અને બીજી જર્મનીના ફ્રેન્કફર્ટથી હૈદરાબાદ આવી રહી હતી. બંને સોમવારે લેન્ડ થવાના હતા.
- પહેલી ઉડાન: ચેન્નાઈ આવી રહેલા બ્રિટિશ એરવેઝના બોઇંગ 787-8 ડ્રીમલાઇનરને ટેકનિકલ ખામીને કારણે પરત ફરવું પડ્યું.
- બીજી ફ્લાઇટ: લુફ્થાન્સા એરલાઇન્સ (જર્મની) બોઇંગ 787-9 ડ્રીમલાઇનરને બોમ્બની ધમકી મળી. આ કારણે, વિમાનને લેન્ડ થવાની મંજૂરી મળી ન હતી અને પરત ફરવું પડ્યું.
- લખનઉમાં લેન્ડિંગ દરમિયાન ફ્લાઇટમાંથી ધુમાડો નીકળ્યો
- ત્રણ દિવસ પહેલા, એર ઇન્ડિયાની ફ્લાઇટમાં મુસાફરો 5 કલાક સુધી એસી વગર રહ્યા હતા
- મંડે મેગા સ્ટોરી: 10 વર્ષમાં 19 ક્રેશ, 1400+ મોત:બોઇંગ વિમાનોમાં શું સમસ્યા છે?; સુનિતા વિલિયમ્સને પણ અવકાશમાં ફસાવી
