1 મેનું ગુજરાતનું હવામાન: વરસાદ અને ગરમીનું મિશ્રણ
ગુજરાતમાં ઉનાળો હવે પૂરો થવાનો છે. રાજ્યના વાતાવરણમાં ફેરફાર થઈ રહ્યો છે. રાજ્યમાં ગરમીમાં થોડો ઘટાડો પણ આવ્યો છે. વરસાદી માહોલ વચ્ચે પણ ગુજરાતમાં મહત્તમ તાપમાન 41 ડિગ્રી સુધી પહોંચી ગયું છે. જોકે, રાજ્યના મોટા ભાગના વિસ્તારોમાં 38 ડિગ્રીની આસપાસ તાપમાન રહ્યું છે. ચોમાસાના આગમન પહેલાં હવામાન વિભાગે આજે શુક્રવારે વરસાદની આગાહી કરી છે.
આજે ગુજરાતના આ વિસ્તારોમાં ગાજવીજ સાથે વરસાદ પડશે: આઈએમડી
હવામાન વિભાગે આજે શુક્રવારની આગાહી કરી છે. આ પ્રમાણે ઉત્તર ગુજરાતના બનાસકાંઠા, પાટણ, મહેસાણા, સાબરકાંઠા, અરવલ્લીમાં ગાજવીજ સાથે વરસાદની આગાહી કરી છે. આ ઉપરાંત ગાંધીનગર, ખેડા, અમદાવાદ, આણંદ, પંચમહાલ, દાહોદ અને મહિસાગરમાં પણ 40-50 કિમી ગતિ સાથે પવન ફૂંકાશે અને ગાજવીજ સાથે વરસાદ પડશે.
હવામાન વિભાગ પ્રમાણે આજે શુક્રવારે વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલી અને સૌરાષ્ટ્રના સુરેન્દ્રનગર, રાજકોટ, જામનગર, પોરબંદર, જૂનાગઢ, અરવલ્લી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં ગાજવીજ સાથે વરસાદ પડવાની આગાહી કરી છે.
ગુજરાતમાં ક્યાં કેટલી ગરમી નોંધાઈ?
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
|---|---|---|
| અમદાવાદ | 36.9 | 23.2 |
| ડીસા | 35.8 | 25.4 |
| ગાંધીનગર | 36.6 | 24.5 |
| વિદ્યાનગર | 36.1 | 26.8 |
| વડોદરા | 34.6 | 23.4 |
| સુરત | 33.8 | 25.9 |
| વલસાડ | – | – |
| દમણ | 34.4 | 26.6 |
| ભૂજ | 38.6 | 28.6 |
| નલિયા | 36.2 | 28.2 |
| કંડલા પોર્ટ | 37.0 | 29.1 |
| કંડલા એરપોર્ટ | 40.0 | 28.9 |
| અમરેલી | 38.7 | 26.8 |
| ભાવનગર | 39.5 | 25.2 |
| દ્વારકા | 32.4 | 29.0 |
| ઓખા | 33.9 | 29.7 |
| પોરબંદર | 35.2 | 27.5 |
| રાજકોટ | 41.0 | 27.4 |
| વેરાવળ | 33.3 | 29.1 |
| દીવ | 33.5 | 28.4 |
| સુરેન્દ્રનગર | 40.9 | 26.5 |
| મહુવા | 33.2 | 27.6 |
| કેશોદ | 35.7 | 27.5 |
આ પણ વાંચો:
ભક્તો અઠવાડિયામાં છ દિવસ સોમનાથના દર્શન કરી શકશે, નવી વંદે ભારત આપશે સાથ; જાણો સંપૂર્ણ માહિતી
41 ડિગ્રી મહત્તમ તાપમાન સાથે રાજકોટ સૌથી ગરમ શહેર રહ્યું
હવામાન વિભાગે આપેલા તાપમાનના આંકડા પ્રમાણે ગુજરાતમાં મોટા ભાગના વિસ્તારોમાં 38 ડિગ્રી તાપમાન નોંધાયું હતું. રાજ્યમાં 32.4 ડિગ્રીથી લઈને 41 ડિગ્રી વચ્ચે મહત્તમ તાપમાન નોંધાયું હતું. આમાં 41 ડિગ્રી મહત્તમ તાપમાન સાથે રાજકોટ રાજ્યનું સૌથી ગરમ શહેર રહ્યું હતું. જ્યારે દ્વારકામાં 32.4 ડિગ્રી તાપમાન નોંધાયું હતું. અમદાવાદમાં મહત્તમ તાપમાન ઘટીને 36.9 ડિગ્રી નોંધાયું હતું. ગાંધીનગરમાં પણ 36.6 ડિગ્રી તાપમાન નોંધાયું હતું.
