શિમલા10 કલાક પેહલા
- કૉપી લિંક
કોમેડિયન કપિલ શર્મા અને અભિનેત્રી નીતુ સિંહની આવનારી ફિલ્મ ‘દાદી કી શાદી’નું શૂટિંગ હિમાચલ પ્રદેશના શિમલામાં શરૂ થઈ ગયું છે. રવિવારે ફિલ્મની ટીમે શિમલાના ઐતિહાસિક મૉલ રોડ પર અહમ દૃશ્યોનું શૂટિંગ કર્યું.
સૂત્રો અનુસાર, આ ફિલ્મ પારિવારિક કોમેડી-ડ્રામા હશે, જેમાં માત્ર કોમેડી જ નહીં પરંતુ સમાજિક અને ભાવનાત્મક પાસાઓ પણ હશે. રણબીર કપૂરની બહેન રિદ્ધિમા કપૂર સાહની આ ફિલ્મ સાથે બોલિવૂડમાં પદાર્પણ કરશે.
કપિલ શર્માએ પોતાના ઇન્સ્ટાગ્રામ પર ફિલ્મના સેટનો એક ફોટો પણ શેર કર્યો છે.
કેટલાક દિવસો પહેલાં સિદ્ધિમા કપૂર સાહનીએ પણ નીતુ સિંહ અને કપિલ શર્મા સાથેનો ફોટો શેર કર્યો હતો.
આ છે ફિલ્મ ‘દાદી કી શાદી’ની થીમ
સૂત્રો અનુસાર, ફિલ્મનું નામ ‘દાદી કી શાદી’ છે, જે પોતાનામાં જ એક રસપ્રદ વિષય છે. ફિલ્મની વાર્તા એક વૃદ્ધ મહિલા એટલે કે દાદીની આસપાસ ફરે છે, જે પોતાના જીવનના છેલ્લા તબક્કામાં ફરીથી લગ્ન કરવાનું નક્કી કરે છે. કપિલ શર્મા અને નીતુ સિંહની જોડી પહેલીવાર મોટા પડદા પર સાથે જોવા મળશે, જેના કારણે દર્શકો ખૂબ જ ઉત્સાહિત છે. થોડા દિવસો પહેલાં, શિમલાના જાખુવાલા મંદિરમાં પૂજા સાથે તેનો શુભારંભ કરવામાં આવ્યો હતો, જેમાં કપિલ શર્મા અને નીતુ સિંહ પણ હાજર રહ્યાં હતાં.
શિમલાના જાખુ મંદિરમાં પૂજા કરતાં નીતુ સિંહ અને કપિલ શર્મા.
શિમલામાં અનેક સ્થળોએ શૂટિંગ થયું
‘દાદી કી શાદી’ ફિલ્મમાં પહાડી સંસ્કૃતિ બતાવવામાં આવશે. આ કારણોસર ફિલ્મનું શૂટિંગ શિમલામાં ઘણા સ્થળોએ કરવામાં આવશે. આ શૂટિંગ આગામી દિવસોમાં પણ ચાલુ રહેશે. આ માટેની તૈયારીઓ શરૂ થઈ ગઈ છે. રવિવારે મૉલ રોડ પર ઘણા મહત્વપૂર્ણ દૃશ્યોનું શૂટિંગ થયું.
કપિલ શર્મા અને નીતુ સિંહ પ્રથમ વખત એક સાથે મોટા પડદા પર દેખાશે.
‘સમાજની માનસિકતા બદલી નાખે તેવા પાત્રો ભજવવા છે’
નીતુ સિંહે 2009માં ફિલ્મ ઇન્ડસ્ટ્રીમાં કમબેક કર્યું હતું. પરંતુ, ‘દાદી કી શાદી’ ફિલ્મ તેમના માટે એક અલગ શરૂઆત છે, જેમાં તે સમાજને સંદેશ આપવા માંગે છે કે જીવન ઉંમરના કોઈપણ તબક્કે સમાપ્ત થતું નથી પરંતુ એક નવો અધ્યાય શરૂ થઈ શકે છે. તાજેતરના એક ઇન્ટરવ્યૂમાં, તેમણે કહ્યું, ‘હું એવા પાત્રો ભજવવા માંગુ છું, જે સમાજની માનસિકતા બદલી નાખે. સિનેમા હવે બદલાઈ ગયું છે અને આવા વિષયો પર કામ કરવું ગર્વની વાત છે.’
કપિલ શર્મા ફરી એકવાર ફિલ્મો તરફ વળ્યો
કપિલ શર્માએ ‘કોમેડી નાઇટ્સ’, ‘ધ કપિલ શર્મા શો’ જેવા હિટ શોથી ખ્યાતિ મેળવી છે, હવે તે મોટા પડદા પર તે જ સફળતાનું પુનરાવર્તન કરવા માંગે છે. ‘કિસ કિસ કો પ્યાર કરો’ અને ‘ઝ્વીગાટો’ જેવી ફિલ્મો પછી કપિલને ‘દાદી કી શાદી’ પાસેથી ઘણી આશાઓ છે. એવું માનવામાં આવે છે કે, ફિલ્મનું શૂટિંગ ઓગસ્ટ 2025 સુધીમાં પૂર્ણ થશે. આ ફિલ્મ જાન્યુઆરી 2026ની આસપાસ રિલીઝ થવાની શક્યતા છે.
