GT vs DC: GT ની 10 વિકેટથી ભવ્ય જીત, PBKS અને RCB પ્લેઓફમાં ક્વોલિફાય

GT vs DC: ગુજરાત ટાઇટન્સના 10 વિકેટથી ભવ્ય જીત
IPL 2025 GT vs DC: ગુજરાત ટાઇટન્સ (GT) અને દિલ્હી કેપિટલ્સ વચ્ચેની મેચમાં ગુજરાત ટાઇટન્સે 10 વિકેટથી વિજય મેળવ્યો. પહેલા બેટિંગ કરતા દિલ્હી કેપિટલ્સે 20 ઓવરમાં 3 વિકેટ ખોઈને 199 રન બનાવ્યા હતા. જવાબમાં ગુજરાત ટાઇટન્સ તરફથી સાંઇ સુદર્શને 61 બોલમાં 101 રન અને શુભમન ગિલે 53 બોલમાં 93 રન બનાવી ટીમને વિજય અપાવ્યો. આ જીત સાથે જ ગુજરાત ટાઇટન્સ પોઇન્ટ ટેબલ પર ટોચ પર આવી ગયા છે. આ ઉપરાંત GT, RCB અને PBKS પ્લેઓફમાં ક્વોલિફાઇ થઇ ગયા છે.
GTની શાનદાર જીત
મેચમાં ગુજરાત ટાઇટન્સે એક પણ વિકેટ ખોયા વગર સરળતાથી વિજય મેળવ્યો. IPL ઇતિહાસમાં પહેલી વાર આવું બન્યું છે જ્યારે કોઈ હાઇસ્કોરિંગ મેચમાં કોઈ ટીમ એક પણ વિકેટ ગુમાવ્યા વગર જીતી હોય. ગુજરાત તરફથી શુભમન ગિલે 53 બોલમાં 93 રન અને સાંઇ સુદર્શને 61 બોલમાં 101 રન બનાવ્યા. આ બંને બેટરની ઇનિંગના સહારે ગુજરાતે 19 ઓવરમાં 10 વિકેટ સાથે ભવ્ય જીત મેળવી.
ક.એલ. રાહુલની મહેનત એળે ગઇ
દિલ્હી કેપિટલ્સના બોલર્સ સદંતર નિષ્ફળ રહ્યા. જો કે, બેટિંગમાં ક.એલ. રાહુલે શાનદાર 65 બોલમાં 112 રન બનાવ્યા. તેણે તેની IPL કારકિર્દીની પાંચમી સદી બનાવી. રાહુલ IPLમાં વિરાટ કોહલી પછી સૌથી વધુ સદી બનાવનારો બીજો ભારતીય ખેલાડી બન્યો. રાહુલ સિવાય દિલ્હીના અન્ય બેટર્સ નિષ્ફળ રહ્યા. રાહુલની 112 રનની ઇનિંગના સહારે દિલ્હીએ 200 રનનું વિશાળ ટાર્ગેટ આપ્યું. જો કે, શુભમન ગિલ અને સાંઇ સુદર્શનના તોફાનમાં રાહુલની મહેનત એળે ગઇ.
RCB, GT અને PBKS પ્લેઓફમાં ક્વોલિફાઇ
આ જીત સાથે ગુજરાત ટાઇટન્સ (GT) પોઇન્ટ ટેબલ પર ટોચ પર પહોંચી ગયા. આ મેચમાં ગુજરાતની જીત થતા રોયલ ચેલેન્જર્સ બેંગલુરુ (RCB) અને પંજાબ કિંગ્સ (PBKS) પણ પ્લેઓફમાં ક્વોલિફાઇ થઇ ગયા. હવે મુંબઇ ઇન્ડિયન્સ (MI) અને દિલ્હી કેપિટલ્સ (DC) વચ્ચે બાકી રહેલા એક સ્થાન માટે મુકાબલો છે.

Reference