ગુજરાત સરકાર રાજ્યમાં એક્સપ્રેસવે નેટવર્ક વિકસાવવા માટે કામ કરી રહી છે. આથી ઘણા રોડ પ્રોજેક્ટ્સ ચાલુ છે. ગુજરાત સરકારએ તાજેતરમાં નવા એક્સપ્રેસવે માટે DPR (ડીટેલ્ડ પ્રોજેક્ટ રિપોર્ટ) કામ શરૂ કર્યું છે. આ યોજના હેઠળ બે નવા એક્સપ્રેસવે બનશે. આ એક્સપ્રેસવે ગ્રીનફિલ્ડ (નવા રૂટ પર) હશે.
ગુજરાતમાં બે નવા એક્સપ્રેસવે
રાજ્યમાં બનનાર એક્સપ્રેસવેમાં અમદાવાદ-દ્વારકા-સોમનાથ-પોરબંદર એક્સપ્રેસવે અને ડીસા-પીપાવાવ નમો શક્તિ એક્સપ્રેસવેનો સમાવેશ થાય છે. ડીસા-પીપાવાવ એક્સપ્રેસવે (430 કિમી) બનાવવાનો ખર્ચ અંદાજે 39,120 કરોડ રૂપિયા રહેશે. અમદાવાદ-દ્વારકા-સોમનાથ-પોરબંદર એક્સપ્રેસવે (680 કિમી) માટે 57,120 કરોડ રૂપિયા રહેશે.
એક્સપ્રેસવેથી થશે ઘણા ફાયદા
આ એક્સપ્રેસવે કોઈ શહેર કે ગામમાંથી પસાર થશે નહીં. આ એક્સપ્રેસવે લોકવસતિવાળા વિસ્તારોથી દૂર હશે. આથી મુસાફરી સરળ, ઝડપી અને સલામત થશે. આ એક્સપ્રેસવે રાજ્યના મોટાભાગના હાઇવે પર ટ્રાફિક કમ કરશે. આ ઉપરાંત ધાર્મિક અને આર્થિક પર્યટનને પ્રોત્સાહન મળશે. સાથે સાથે ગુજરાતના માળખાગત વિકાસમાં પણ મદદ મળશે.
આ પણ વાંચો: ગુજરાતના મંત્રી બચુભાઈ ખાબડનો પુત્ર કસ્ટડીમાં, જાણો શું છે આરોપો
GSRDC એ DPR પ્રક્રિયા શરૂ કરી
GSRDC એ નવા એક્સપ્રેસવે માટે ડીટેલ્ડ પ્રોજેક્ટ રિપોર્ટ (DPR) બનાવવા માટે સલાહકારો પાસેથી દરખાસ્તો માંગી છે. આમાં રોડ ડિઝાઇન, બાંધકામ ડિઝાઇન અને સેવા માર્ગો, પર્યાવરણીય અને સામાજિક અસર, સલામતીના પગલાં, જમીન સંપાદન અને વળતર જેવા વિષયોનો સમાવેશ થાય છે. રાજ્ય સરકાર આગામી એક વર્ષમાં DPR કામ પૂર્ણ કરવા માંગે છે. ત્યારબાદ જ એક્સપ્રેસવે બાંધકામ માટે ટેન્ડર બહાર પાડવામાં આવશે.
આ એક્સપ્રેસવેની ડિઝાઇન એવી છે કે રાજ્યમાં કોઈ પણ સ્થળેથી 100 કિમીની અંદર એક્સપ્રેસવે સુવિધા મળી રહેશે.
